පහළට යන්න
1841 දී ආරම්භ කරන ලද පරම ධම්ම චේතිය පිරිවෙන අධ්‍යාත්මික සුවය සඳහා කැපවූ රමණීය සිද්ධස්ථානයක් මෙන්ම ඩෙස් විදෙස් භික්ෂූන් වහන්සේලාට මෙන්ම ගිහි සිසුන් සඳහා ද වන විශිෂ්ට අධ්‍යාපනයක් මෙන්ම සමාජ සේවා, සංහිඳියාව සහ ගෝලීය සම්බන්ධතා සඳහා කේන්ද්‍රස්ථානයක් ද වේ.
පරම ධම්ම චේතිය මහ පිරිවෙණ ආරම්භ කරන ලද්දේ අති පූජ්‍ය වලානේ ශ්‍රී සිද්ධාර්ථ නායක ස්වාමීන්ද්‍රයන් වහන්සේ විසින් 1841 දීය. ආරම්භයේ සිටම එය අධ්‍යාත්මික සුවය සඳහා කැපවූ රමණීය සිද්ධස්ථානයක් මෙන්ම, ලක්දිව බෞද්ධ අධ්‍යාපනය සළසන ප්‍රමුඛතම ස්ථානයක් බවට පත්වෙමින් භික්ෂූන්ට මෙන්ම ගිහි පක්ෂයටද උසස් මට්ටමේ අධ්‍යාපනයක් සළසයි.
දීර්ඝ ඉතිහාසය සමඟ වර්ධනය වී ඇති පිරිවෙණේ දේශීය විදේශීය සබඳතා සහ සහයෝගිතාවයන් ඔස්සේ පිරිවෙණ අද වන විට සමාජ සුභසාධනය සහ සහජීවනය නංවාලන කේන්ද්‍රයක් බවටද පත්වී ඇත. ශිෂ්‍ය සාමනේර භික්ෂූන් 17 කින් ඇරඹි පිරිවෙණේ අද ලොව නන් දෙසින් පැමිණෙන භික්ෂූන් සිය ගණනකට අධ්‍යාපනය සලසයි.
පිරිවෙණ ගැන කියවන්න
උතුම් වූ බෞද්ධ සේවය සහ විශිෂ්ඨත්වය.
අසරණ සරණ සරණංකර සංඝරාජයාණන් වහන්සේගේ ශිෂ්‍ය පරම්පරාවෙන් පැවත ආ වලානේ ශ්‍රී සිද්ධාර්ථ හිමියන් 1811 දී වලාන ග්‍රාමයේ වැදගත් පවුලකට දාව උපත ලද අතර වයස අවුරුදු විස්සේදී මහනුවර මල්වතු මහා විහාරයෙන් උපසම්පදාව ලදහ.වැඩිදුර කියවන්න
වලානේ ශ්‍රී සිද්ධාර්ථ හිමියන් 1841 මැයි මාසයේදී වස් විසීම සඳහා සිද්ධාර්ථ හිමියන් රත්මලාන ග්‍රාමයට වැඩම කළ අතර, දොන් ජෙරනිමුස් සෙනෙවිරත්න රාලහාමි විසින් පූජා කල ඉඩමේ පොල් අත්තෙන් තැනවූ කුඩා ආවාසයක වස් කාලය විසූහ. එය නූතන පාරිවේණික අධ්‍යාපනයේ මාර්ගදර්ශකයා ලෙස සැලකෙන පරම ධම්ම චේතිය මහ පිරිවෙනේ ආරම්භයයි.
එහි සිට ශිෂ්‍යයන් දෙතුන් දෙනෙකුගෙන් ඉගැන්වීම ආරම්භ වූ අතර, කෙටි කාලයකින්ම ශිෂ්‍ය භික්ෂූන් වහන්සේලා දහහත් නමක් දක්වා එය වර්ධනය වූ අතර හික්කඩුවේ ශ්‍රී සුමංගල නාහිමි ද, රත්මලානේ ශ්‍රී ධම්මාලෝක නාහිමි ද ඒ අතර වූහ.
නිදහස් සටනේදී ජාතික නායකයින් සිය උපක්‍රමයන් පිළිබඳව සාකච්ඡා කිරීමට නිතර මෙම පුද බිමෙහි එක් රැස් වූ අතර මෙරට පළමු උභයශේඛර ස්වර්ණ මුද්‍රිකාව සහිතව පණ්ඩිත උපාධිය ලැබූ ශිෂ්‍ය භික්ෂුව බිහි කිරීමේ ගෞරවය හිමි වන්නේ ද පරම ධම්ම පිරිවෙනට ය. මෙරට පළමු පරිවේණාචාර්ය අභ්‍යාස විද්‍යාලය පිහිටවූයේ ද පරම ධම්ම පිරිවෙනෙහි ය.
ඉතිහාසය පිළිබඳව වැඩිදුර කියවන්න
පිරිවෙන සතු නොඑක් ඓතිහාසික උරුමයන් අතර "මැණික් පිළිමය" ලෙසින් ප්‍රකට සධාතුක ශෛලමය ප්‍රතිමා වහන්සේගේ ඉතිහාසය අනුරාධපුර යුගය දක්වා දිව යන අතර එය ක්‍රි.පූ. 161 සිට කි.පූ. 137 දක්වා මෙරට රජකම් කරන ලද දුටුගැමුණු මහ රජතුමාගේ සමයේ කරවන ලදැයි සැළකේ.
විමලසාර හිමියන් ලොව පුරා බෞද්ධ ධර්ම දූතයෙකු ලෙස සේවය සලසන ලද අතර, බුද්ධගයා විහාරයේ ප්‍රධාන පරිපාලක ධූරය සිට ඇමරිකාවේ ලොස් ඇන්ජලිස් හි ධර්ම විජය විහාරයේ විහාරාධිපති ලෙස කටයුතු කිරීම දක්වා ජාත්‍යන්තර ධර්මදූතයෙකු ලෙස උන්වහන්සේගේ සේවය අසමසමය. පරම ධම්ම චේතිය මහා පිරිවෙනේ විහාරාධිපති සහ අධ්‍යක්ෂ පදවියට 2015 දී පත් ආචාර්ය පූජ්‍ය මාඉටිපේ විමලසාර ස්වාමීන් වහන්සේ ජාත්‍යන්තර බෞද්ධ සමුළු ගණනාවක විධායක ධූර ගණනාවක් ද හොබවමින් නොසැලෙන කැපවීමෙන් හා ප්‍රඥාවෙන් කටයුතු කරති.
විහාරාධිපති ස්වාමීන් වහන්සේ ගැන කියවන්න
පරම ධම්ම චේතිය මහා පිරිවෙන තවත් බොහෝ අධ්‍යාපනික, සමාජීය සහ සුබසාධන සංවිධාන සහ සමිතිවල මව් සංවිධානය වන අතර ශ්‍රී සිද්ධාර්ථ දහම් පාසල, ආයුර්වේද සංගමය, සුබසාධක සංගමය ආදිය ද ඒ අතර වේ.
අනෙකුත් ආයතන හා සමිති ගැන දැනගන්න
සියලු පාපයන්ගෙන් මිදීමද
නිතර කුසල දම් වැඩීමද
සිත පිරිසිදු කර ගැනීමද
වනාහී සියලු බුදුවරුන්ගේ අනුශාසනයයි
...
පුවත් සඳහා සබ්ස්ක්‍රයිබ් කරන්න
