පහළට යන්න

Lorem ipsum

Lorem ipsum dolor sit amet consectetur adipisicing elit. Reprehenderit, consequatur! Veritatis, quaerat amet ab aut magni distinctio beatae aspernatur esse? Consequuntur quasi vel harum earum repellat facilis similique voluptatum dicta.

පරම ධම්ම චේතිය මහ පිරිවෙණ ගැන

අප ගැන

පරම ධම්ම චේතිය මහ පිරිවෙණ

පරම ධම්ම චේතිය මහ පිරිවෙණ

ආරම්භය.

1841 | 2385 බු.ව.

අප ගැන

නූතන පාරිවේණික අධ්‍යාපනයේ මාර්ගදර්ශකයා වන රත්මලාන පරම ධම්ම චේතිය මහ පිරිවෙණ ආරම්භ කරන ලද්දේ අති පූජ්‍ය වලානේ ශ්‍රී සිද්ධාර්ථ නායක ස්වාමීන්ද්‍රයන් වහන්සේ විසින් 1841 දීය. එවක් සිට එය අධ්‍යාත්මික සුවය සඳහා කැපවූ රමණීය සිද්ධස්ථානයක් මෙන්ම, ලක්දිව ඓතිහාසික සංසිද්ධීන් ගණනාවක තිඹිරි ගෙය වෙමින් ගිහි පැවිදි සියල්ලන්ගේම බෞද්ධ අධ්‍යාපනයේ සලකුණක් වී ඇත.

දීර්ඝ ඉතිහාසය සමඟ වර්ධනය වී ඇති පිරිවෙණේ දේශීය විදේශීය සබඳතා සහ සැමගේ ගෞරවයට පාත්‍ර වන පිරිවෙණ අද වන විට සමාජ සුභසාධනය සහ සහජීවනය නංවාලන කේන්ද්‍රයක් බවටද පත්වී ඇත. ශිෂ්‍ය සාමනේර භික්ෂූන් 17 කින් ඇරඹි පිරිවෙණේ අද ලොව නන් දෙසින් පැමිණෙන භික්ෂූන් සිය ගණනකට අධ්‍යාපනය සලසයි.

ඉතිහාසය පිළිබඳව කියවන්න
182 වසරක විශිෂ්ඨත්වය

ලක්දිව බුදු සසුන යලි ආරක්ෂා කොට බැබළවූ අසරණ සරණ සරණංකර සංඝරාජයාණන් වහන්සේගේ ශිෂ්‍ය පරම්පරාවෙන් පැවත ආ වලානේ ශ්‍රී සිද්ධාර්ථ හිමියන් ධර්මධර පණ්ඩිත භික්ෂුවක ලෙස 19වන සියවසේ මුල් භාගයේදී ලංකාද්වීපය පුරා පතල වීය.

ඉන් උන්වහන්සේ කෙරේ පැහැදුණු අගනුවර ශ්‍රද්ධා සම්පන්න ප්‍රභූ පවුල් කීපයක් උන්වහන්සේට අගනුවරට නුදුරු රත්මලාන ග්‍රාමයේ වස් විසීම සඳහා ආරාධනා කරන ලදි. එය පිළිගත් සිද්ධාර්ථ හිමියෝ 1841 මැයි මාසයේදී වස් විසීම සඳහා රත්මලානට වැඩම කළ අතර, ශ්‍රද්ධා සම්පන්න ප්‍රභූවරයෙකු වූ දොන් ජෙරනිමුස් සෙනවිරත්න රාලහාමි විසින් පූජා කරන ලද ඉඩමේ පොල් අත්තෙන් තැනවූ කුඩා ආවාසයක උන්වහන්සේ වස් විසීම ආරම්භ කළහ.

එය පරම ධම්ම චේතිය මහ පිරිවෙනේ ආරම්භයයි.

මෙම කුඩා ආවාසයේ සිට ශිෂ්‍යයන් දෙතුන් දෙනෙකුගෙන් ඉගැන්වීම ආරම්භ වූ අතර, ඉතා කෙටි කාලයකින්ම එහි කීර්තිය පතලව ශිෂ්‍ය භික්ෂූන් වහන්සේලා දහහත් නමක් දක්වා එය වර්ධනය විය. ඒ ශිෂ්‍ය භික්ෂූන් වහන්සේලා ද පසු කලෙක ශ්‍රී ලංකාවේ බෞද්ධ පුනරුදයෙහිලා විශිෂ්ඨ සේවාවක් කරන ලද අතර, ඒ අතර සිටි පානදුරාවාදය, බද්දේගම වාදය ආදී ආගමික විවාදවලදී බෞද්ධ පිළෙහි ජයග්‍රහණයට උපස්ථම්භක වූද 1873 දී කොළඹ මාලිගාකන්දේ විද්‍යෝදය පිරිවෙණ ආරම්භ කොට ලංකාද්වීපය පුරා ධර්ම ශාස්ත්‍ර ප්‍රබෝධයක් ඇති කළා වූද අති පූජ්‍ය හික්කඩුවේ ශ්‍රී සුමංගල නාහිමි ද, පසුකාලීනව කැළණිය විශ්වවිද්‍යාලය බවට පත්වූ 1875 දී පිහිටවූ විද්‍යාලංකාර පිරිවෙණ ආරම්භ කල අති පූජ්‍ය රත්මලානේ ශ්‍රී ධම්මාලෝක නාහිමි ද කැපී පෙනේ.

දිනෙන් දින වර්ධනය වූ කීර්තිය නිසා සිසු පිරිසද සියය ඉක්මවා සිටි අතර 1861 ජනවාරි මස 10 වන දින අභිනව පුස්තකාලයත්, කුටි සතකින් සමන්විත වූ ආවාස මන්දිරය සහ කුටි විසි එකකින් සමන්විත ශිෂ්‍ය නිවාස තුනකිනූත් සමන්විත රමණීය ආරාමය විවෘත කර ප්‍රවේශ වන ලදි. එතැන් පටන් මෙය "පරම ධම්ම චේතියාරාමය" යන අර්ථාන්විත නාමයෙන් හඳුන්වනු ලැබීය... පිරිවෙනේ සම්පූර්ණ ඉතිහාසය කියවන්න

සම්මා වායාම

අපගේ ආර්ය වූ වෑයම

බොහෝ අධ්‍යාපනික, සමාජීය සහ සුබසාධන සමිති සංවිධාන වල මව් සංවිධානය වන පරම ධම්ම චේතිය මහා පිරිවෙන සිත් සතන් සනහාලන පිවිතුරු ශාන්ත පරිසරය මධ්‍යයේ හිඳිමින් බෞද්ධ ආධ්‍යාත්මික ඥානාලෝකය පතුරවන්නා වූ පහනක් ව ඇත. බුදුදහම මගින් මඟ පෙන්වනු ලබන අධ්‍යාත්මික සුවයත්, අධ්‍යාපනය සහ දැනුමත්, සමාජය ගුණ දහමින් සහ එකමුතුවෙන් පෝෂණය කිරීමෙහිලාත් ආර්ය වූ කාර්යයක යෙදී ඇත. පිරිවෙන මගින් භික්ෂූන් වහන්සේගේ අධ්‍යාපනය නංවාලන අතර දහම් පාසල තුරුණු සිත් දහමින් පහන් කිරීමෙහි ලා කැපවී ඇත. පිරිවෙනෙහි සමාජ සුබසාධන සංවිධාන සහ සමිති එකමුතු ජනතාව නඟා සිටුවීමෙහිලා ක්‍රියා කරන අතරම ප්‍රජාව දැනුවත් කිරීම, එකමුතුකම පෝෂණය කිරීම, සහයෝගීතාවය වැඩි දියුණු කිරීම, සහ ජාති ආගම් අතර සංහිඳියාවේ කේන්ද්‍රස්ථානයක් ලෙස සහජීවනය ප්‍රවර්ධනය සඳහා කැපවී ඇත.

පරම ධම්ම චේතිය
මහ පිරිවෙණ

පිරිවෙණ
ගැන කියවන්න

දහම් පාසල
ගැන කියවන්න

අනු ආයතන හා සමිති
ගැන කියවන්න

සංහිඳියාවේ කේන්ද්‍රය
ගැන කියවන්න

සුභසාධන මධ්‍යස්ථානය
ගැන කියවන්න

විහාරාධිපති ස්වාමීන් වහන්සේ

ආචාර්ය පූජ්‍ය මාඉටිපේ විමලසාර හිමි

විමලසාර හිමියන් ගාල්ල මහින්ද විද්‍යාලයෙන් සිය අධ්‍යාපන ගමන් මග ආරම්භ කළ අතර, දෙස් විදෙස් පතල ආචාර්ය මාපලගම විපුලසාර මාහිමිපාණන් වහන්සේගේ ශිෂ්‍යයෙකු වීමේ භාග්‍යය ලැබ 1980 දී පැවිදිව ආධ්‍යාත්මික ගමන් මග ආරම්භ කළහ. උන්වහන්සේ සිය උසස් අධ්‍යාපනය ඉන්දියාවේ කීර්තිමත් කල්කටා විශ්ව විද්‍යාලය සහ බරණැස් හි බරණැස් හින්දු විශ්ව විද්‍යාලය හිදී හදාරන ලද අතර පසුව බුද්ධගයා විහාරයේ ප්‍රධාන පරිපාලක ධූරය සිට ඇමරිකාවේ ලොස් ඇන්ජලිස් හි ධර්ම විජය විහාරයේ විහාරාධිපති ලෙස කටයුතු කිරීම දක්වා ජාත්‍යන්තර බෞද්ධ ධර්මදූතයෙකු ලෙස උන්වහන්සේගේ සේවය අසමසමය.

පරම ධම්ම චේතිය මහා පිරිවෙනේ විහාරාධිපති සහ අධ්‍යක්ෂ පදවියට 2015 දී පත් ආචාර්ය පූජ්‍ය මාඉටිපේ විමලසාර ස්වාමීන් වහන්සේ ලෝක බෞද්ධ සංඝ සභාවේ ගරු උප සභාපති ධූරයද ඇතුළු ජාතික සහ ජාත්‍යන්තර ධූර ගණනාවක නොසැලෙන කැපවීමෙන් හා ප්‍රඥාවෙන් කටයුතු කරති.

විහාරාධිපති ස්වාමීන්වහන්සේ ගැන කියවන්න
සබැඳි පිටු
සබැඳි පිටු
පිරිවෙණේ ඉතිහාසය කියවන්න පූර්ව විහාරාධිපති ස්වාමීන් වහන්සේලා ගැන කියවන්න